مع اقتراب العيد الوطني وعيد التحرير من الغزو العراقي وتلون الشوارع وتزيينها بالعلم بظل تصعيد بعض النواب ورفضهم واستخسارهم على شعبهم فرحة الاحتفال وتحريم الايام الوطنية ! بينما نراهم يحتفلون ويرقصون لصالح حماس لانتصار وهمي !! مابي اعور قلوبكم ولا أخرب اجازتي وراحتي من الدوام ، حبيت تستمتعون معاي بالاغنية الى ان أعود من رحلتي القادمة للبحرين لحضور بعض المحاضرات الدراسية .
هناك 11 تعليقًا:
والله كلامج كله عدل وازيدج من الشعر بيت ... قضية غزة صارت زلقة بطيحة .. وألغو الاحتفالات الغنائية بهلا فبراير والسبب ( بالظاهر ) خوفا واحتراما لمشاعراخوانا بغزا ( الخافي ) خوفا من الاستجوابات والأسئلة المكثفة على مسئولين الإعلام ...على تنظيمهم للأحتفالات الغنائية بهلا فبراير ... يبا خلو اللى يغنى يغنى واللى يرقص يرقص ومحد يحاسب غيره ...لأنه اهوا مسئول عن نفسه وتصرفاته امام ربه ...وبعدين كل واحد يحاسب نفسه وتصرفاته اول شى وبعدين يشوف غيره... وشاكر لج عالموضوع
تزينت بالاعلام.. استعداداً للاحتفالات الوطنية.. إلا أن الأجواء السياسية الساخنة.. جعلتنا أسرى للتفكير في المجهول القادم..!
فهل يقع الطلاق ويحدث الفراق بحل مجلس الأمة حلاً غير دستوري..؟ أم تستقيل الحكومة..؟، أو يحل المجلس وتعاد الانتخابات..؟ كلها سياريوهات واردة..!
يالله عساج محروسة يا ديرتي يا كويت
موفقة بدراستج ان شاء الله :)
صاجة مستخسرين الفرحة على الكويت لأن ما ودهم أكو كويت يبون مملكة خاصة بأخوان المسلمين
الله يديم على الكويت أفراحها وليخسئ الخاسؤون
اكيد بحرمون فرحة الكويت والكويتيين لأن لو بإيدهم ماكو كويت جان سووها بس يبون مملكة أخوان المسلمين
لتدوم السعادةوأفراح يا الكويت
الله يسهل ويوفقج بدراستج انشاءالله :)
اخر هم اخوان المسلمين الكويت وفرحة شعب الكويت
يعطيج العافيه اختي على ماتم طرحه ..
انا بصراحه ماراح اتدخل بموضوع النواب .. لاني نوعا ما بعيد عن ماتم طرحه من قبلهم ,,
اعتقد ان عيد التحرير والعيد الوطني هو عررس للكويت وللخليج باكمله,, الفرحه بتعم الخليج بهاليوم ..
هل يتم تحريم الاحتفال بسبب غزة ؟؟
والاعتراض على الاحتفالات بسبب غزة ؟؟
نعم قلوبنا مع غزة ودعائنا لغزة
ولكن لنفرح سويا بهذا العيد لانه عيد الكويت .. عيد عروس الخليج.. نعيش يومنا ونعيش فرحتنا .. وليس من حق احد ان يعترض على الاحتفالات لانها ايام غالية على الكل ...
وكل عام والكويت واهل الكويت بامن وامان
وموفقه ان شاء الله بدراستج اختي
افرحووو والله يتمم عليكم وعلينا الافرااااااح والسعاااده
إي والله بيحرمووونه فرحة أعيادنا أما إنتصارات الغير الوهميه يحتفلون لها الحمدلله إنه الشعب واعي وفاهم هالحركات .. عماااااااار ياا كويت وعسى دووووووووووم أفراح بأفرااااح
** أهم شي الإغنيه :P
وو مشكووره يمى وموفقه إن شاء الله
الديرة انوخذت
لا يطلعون لج فتوى الحين يحرمون مدونتج:p
ماكو وناسة يبا احلا شي بفبراير العيد الوطني والله ولا هلا فبراير اي كلام ... مهرجان فاشل من اول سنة صار هلا فبراير فماله داعي يزيدون هالفشل ..
مو شي يديد عليهم
الرقص والاغاني عندهم حلال..اما على الناس حرام .!
نفس سالفة منع الاختلاط بالضبط، يعتبرونه حرام على الناس وحلال لهم
بس المضحك في الموضوع عن اي انتصارات قاعدين تحتفلون ؟ من صجهم والله .!
ويعطيج العافية
إرسال تعليق